FLIMKLIEN - min NIEQA - 2017

December 30, 2020

FLIMKLIEN - min NIEQA - 2017 - 2020

KELMA TAL-ARCIPRIET

DICEMBRU 2020

Il-Kelma tal-Arċipriet

F’dan ix-xahar żgur li l-Milied ser nibqgħu niftakruh mhux biss għax niċċelebraw it-twelid tas-Salvatur tagħna iżda l-iktar għall-mod kif ser niċċelebrawh.

Minħabba r-restrizzjonijiet tal-COVID-19 il-Velja tal-Milied ser tibda fit-8.00 p.m. u mhux fil-11.00 p.m. Biex inħarsu r-regoli u min jiġi ma jibqax barra, u biex nieħdu ħsieb saħħitna u saħħet xulxin għamilna sistema ta’ biljetti.

F’temp ta’ ftit sigħat inħatfu. Dan juri, fost oħrajn, kemm ħafna nies il-Velja tal-Milied jixtiquha li ma tkunx tard billejl.

Li kieku mhux għax hemm ir-restrizzjonijiet żgur li kien ikollna knisja mballata bin-nies (bħalma jkun hemm f’dawk il-knejjes fejn din il-velja ssir kmieni). Qed nikkontempla jekk fis-snin futuri tibqax issir bħal din is-sena. Jiddispjaċini li ħafna ħarġu ddiżappuntati, imma l-knisja hi dik li hi.

Nafu li minħabba l-COVID-19 xejn ma baqa’ normali. Fejn qabel biex turi imħabba u affezzjoni lill-għeżież tiegħek kont iżżurhom u tgħannaqhom miegħek, illum għax tħobbhom trid toqgħod ’il boghod minnhom.

Inħeġġeġ lil kull min jista’ sabiex il-quddiesa tal-Ħadd jieħu sehem fiha billi jiġi fiżikament il-knisja; biss dawk li għal xi raġuni ma jistgħux inħeġġiġhom sabiex isegwuha minn fuq il-mezzi soċjali u jagħmlu t-tqarbina tax-xewqa. Infakkar li bħalissa mhux permess it-tqarbin tal-morda fi djarhom.

Infakkar sabiex regolarment iżżuru l-website tal-parroċċa tagħna li jkun fiha minjiera ta’ informazzjoni, kif ukoll il-paġni tal-facebook tal-parroċċa u tal-grupp tal-abbatini tal-kolleġġjata tagħna.

Żommu lilkom infuskom interessati f’dak li jkun għaddej fil-parroċċa.

F’isem il-Kapitlu u l-Kleru tal-Kolleġġjata tan-Naxxar, nixtieq nawgura mill-qalb Milied qaddis lill-familji kollha fin-Naxxar.

Fr David Gauci

Programm ghax-xahar ta Diċembru
Il-Ġimgħa, 4          Fis-6.00 p.m. ħin ta’ adorazzjoni u fis-6.30 p.m. il-quddiesa
Il-Ħadd, 6              It-Tieni Ħadd tal-Avvent. Messalin B, pġ 80.
It-Tlieta, 8             Is-Solennità tal-Kuncizzjoni Immakulata. Messalin B, pġ 568
Il-Ħadd, 13            It-Tielet Ħadd tal-Avvent. Messalin B, pġ 86.
Fit-3.30 p.m. quddiesa biċ-ċelebrazzjoni tal-Magħmudija.
It-Tlieta, 15           Bidu tan-Novena tal-Milied.
Matul dawn il-jiem, fis-6.30 p.m. tibda l-quddiesa b’riflessjoni wara l-Evanġelju. Jieħdu sehem l-għaqdiet reliġjużi li għandna fil-parroċċa.
Il-Ħadd, 20            Ir-Raba’ Ħadd tal-Avvent. Messalin B, pġ 91.
Waqt il-quddiesa tal-10.00 a.m. jsir it-tberik tal-Bambini lit-tfal.
Il-Ħamis, 24          Lejliet il-Milied.
Ikun hawn il-qrar qabel kull quddiesa. Fil-5.00 p.m. u fis-6.30 p.m. quddies tal-Vġili tal-Milied. Fit-8.00 p.m. tibda l-funzjoni tal-Lejl tal-Milied li tinkludi għanjiet tal-Milied, il-prietka tat-tifel, purċissjoni bil-Bambin u Konċelebrazzjoni Solenni. Għal din il-funzjoni diġà mtlew il-postijiet fil-knisja, minħabba li l-biljetti maħruġa ġew meħuda kollha. Min ma rnexxielux jirriserva post, jista’ jsegwiha mid-dar fuq Skyline Webcam.
Il-Ġimgħa, 25        Solennità tat-Twelid tas-Sinjur tagħna Ġesù Kristu.
Messalin B, pġ 100. Hija festa kmandata u l-ħin tal-quddies ikun bhal nhar ta’ Ħadd.
Il-Ħadd, 27            Festa tal-Familja Mqaddsa. Messalin B, pġ 118.
Il-Ħamis, 31          L-aħħar jum tas-sena 2020.
Ikun hawn il-qrar qabel kull quddiesa. Fil-5.00 p.m. quddiesa. Fis-6.30 p.m. Konċelebrazzjoni Solenni. Wara t-tqarbin jitkanta t-Te Deum waqt li ssir purċissjoni bl-Ewkaristija li tintemm bil-Benedizzjoni Sagramentali.

FLIMKIEN DICEMBRU 2020

ikklikkja fuq l-istampa biex tara l-Magazine

KELMA TAL-ARCIPRIET

NOVEMBRU 2020

Il-Kelma tal-Arcipriet

Ix-xahar ta Novembru kif ilkoll nafu huwa marbut mal-gheziez mejtin taghna; dawk li hallewna u ghaddew ghall-hajja ta dejjem. In nisrani jemmen li mal-mewt il-hajja mhux tintemm imma tinbidel – kif fil-fatt naqraw fil-prefazju tal-quddiesa tal-funeral.

Dan ifisser li l-harsa taghna trid tmur lil hemm mil-qabar fic-cimiterju; hemm nidfnu l-fdalijiet tal-gheziez taghna imma il-fidi taghna tghidilna li r-ruh tinghaqad mal-hallieq ghal- dejjem fil-genna – dejjem jekk wiehd ikun ghex il-hajja tieghu fuq din l-art skont kif irid Alla.

Hija drawwa sabieha li f’dan ix-xahar ahna immorru ninvistaw u nitolbu u inzejnu l-oqbra taghna li ghandna fic-cimiterju. Biss infakkar li anke fic-cimiterju ahna obbligati nosservaw il-mizuri li hemm fis-sehh marbuta mal-pandemija.

Ghaldaqstant hija obbligatorja l-uzu tal-maskra, id-distanza socjali ta zewg metri kwadri, li ma nkunux aktar minn grupp ta ghaxar persuni. Barra min hekk niftakru li c-cimiterju huwa post qaddis, post tat-talb ghal gheziez taghna; mela l-imgieba taghna trid turi li ahna verament insara.

Din is-sena wkoll minhabba l-pandemija mhux ghaqli li jsir it-tberik tal-oqbra anke minhabba l-fatt li jingabru hafna nies ghalih li normalment ikun jaqbez il-limitu ta kemm nies jistghu jidhlu fil-post.

Irrid ninforma wkoll li din is-sena minhabba l-pandemija l-Vatikan qed jestendi z-zmien li fih tista tintrebah l-indulgenzja plenarja. Is-soltu l-indulgenza tintrebah fl-ewwel tmint ijiem ta Novembru; izda din is-sena l-Vatikan estendija ghal-granet kollha ta Novembru.

L-Indulgenza Plenarja tintrebah billi wiehed iqerr u jitqarben skont il-bzonn, jitlob ghal mejtin u skont il-fehma tal-Papa kif ukoll jirrecita il-Kredu.

Tajjeb li wiehed jaghmel uzu minn dawn il-mezzi li toffrilna l-Knisja f’dawn iz-zminijiet partikulari

Fr David Gauci

Programm ghax-xahar ta' Novembru

Hadd, 1 Solennita tal-Qaddisin Kollha.

Messalin paġn

Tnejn, 2 Tifkira Solenni tal-Mejtin kollha.

Fis-6.30 pm koncelebrazzjoni solenni u tberik tal-oqbra fil-Kolleggjata

Gimgha, 6 Fis-6.00 p.m. Adorazzjoni u fis-6.30 p.m. il-Quddiesa

Ħadd, 8 It-32 Ħadd ta’ matul is-sena.

Mess A Paġna

Fit.330 a.m. Quddiesa biċ-Ċelebrazzjoni tas-Sagrament tal-

Magħmudija.

Ħamis, 12 Fis-6.00 p.m. Adorazzjoni u fis-6.30 p.m. il-Quddiesa

Ħadd, 15 It-33 Ħadd matul is-sena.

Messalin A. paġna

Ħamis, 19 Fis-6.00 p.m. Adorazzjoni u fis-6.30 p.m. il-Quddiesa

Ħadd, 22 Sollennita ta Sidna Ġesu Kristu, Sultan tal-Ħolqien kollu.

Mess A Pagna

Ħamis, 26 Fis-6.00 p.m. Adorazzjoni u fis-6.30 p.m. il-Quddiesa

Hadd, 29 L-Ewwel Hadd tal-Avvent - Sena B

Mess B Pagna

************

FLIMKIEN NOVEMBRU 2020

ikklikkja fuq l-istampa biex tara l-Magazine

FLIMKIEN OTTUBRU 2020

ikklikkja fuq l-istampa biex tara l-Magazine

KELMA TAL-ARCIPRIET

OTTUBRU 2020

Il-Kelma tal-Arcipriet

Certament li ghadhom friski fil-mohh u fil-qalb taghna ic-cerimonji sbieh li kellna marbutin mal-Kolleggjata taghna u t-twaqqif tal-ewwel Kapitlu tan-Naxxar.

Minkejja ir-restrizzjonijiet li qed iggib maghha l-pandemija tal-Covid- 19 biss irrid nghid b’sodisfazzjon kbir ( grazzi anke ghal-group formidabli ta ushers li ghandna fil-Kolleggjata taghna ) irnexxilna naghmlu funzjonijiet sbieh, b’dinjita u bla-ebda periklu ghal dawk li kienu prezenti.

L-istess jista jinghad ghal mod kif iccelebrajna s-sollennita tat-twelid tal-Vergni Mqaddsa Marija. Il-pontifikal solenni mmexxi mil-arcisqof mons charles j scicluna flimkien mal-kapitlu tan-naxxar u sacerdoti ohra; il-kliem meqjus u profondita tal-arcisqof fl-omelija tieghu dwar marija bambina; quddiesa li kienet segwita minn eluf ta nies grazzi ghal TVM 2. Minkejja l-virus fostna, dak kollu li stajna naghmlu ghamilnieh u ghamilnieh kif jixraq lill-Ommna tas-Sema.

Biss kunu afu ( kif fil-fatt tafu ) li dak li ma ghamilniex ( u xtaqna li naghmluh ) ma sarx ghax ma ridnix nipperikolaw is-sahha tal-poplu taghna. Kif qed jghid kulhadd f’dan iz-zmien Is Sahha l-ewwel.

U dan kollu li qed nghid japplika wkoll ghal mod kif iccelebrajna is-sagrament tal-tal-Grizma tal-Isqof lill-adoloxxenti taghna gejjin mill-oqsma tal-Museum u miz-zewg centri pastorali jigifieri dak tal-Hniena Divina u dak tal-Familja Mqaddsa; kif ukoll il-mod kif saret ic-celebrazjoni tal-Ewwel Tqarbina liz-zghar taghna, grazzi ghal-ghajnuna tal-katekisti fid-diversi centri tad-duttrina.

Irrid min hawn naghmel appell lil dawk kollha li qed jigu l-knisja ghall-quddiesa sabiex jikkoperaw mal-ushers u noqghodu ghall-istruzzjonijiet li jaghtuna. Inzommu f’mohhna li dak kollu qed isir biex nissalvagwardjaw u niehdu hsieb is-sahha ta xulxin. Naturalment dan ikun jitlob minna ftit sagrificcju li tajjeb naghmluh mill-qalb, u l-Mulej ipattihulna kif jaf HU.

Inheggeg sabiex f’dan ix-xahar ta Ottubru insibu hin sabiex nitolbu it-talba tar-ruzarju li hija tant ghal qalb il-Vergni Marija u noffruh halli d-dinja tehles mill-Virus Covid – 19

Fr David Gauci

Programm ghax-xahar ta Ottubru

Ġimgħa, 2 Fis-6.00 p.m. Adorazzjoni u fis-6.30 p.m. il-Quddiesa

Ħadd, 4 Is-27 Hadd matul is-sena. Mess A pg

Mil lum il-quddiesa ta' filghaxija tibda tkun fil-5.00 pm

Erbgha, 7 Festa Liturgika tal-Madonna tar-Ruzarju.

Ħamis, 8 Fis-6.00 p.m. Adorazzjoni u fis-6.30 p.m. il-Quddiesa

Ħadd, 11 It-28 Hadd matul is-sena. Messalin A pġ

Fit-3.30 p.m. quddiesa biċ-ċelebrazzjoni tal-magħmudija

Ħamis, 17 Fis-6.00 p.m. Adorazzjoni u fis-6.30 p.m. il-Quddiesa

Ħadd, 18 Id-29 Hadd matul is-sena. Messalin A pġ

Niccelebraw il-Gurnata Missjunarja. Il-ġbir kollu li jsir fil-

Quddies ikun b’risq il-missjoni.

Ħamis, 22 Tifkira Liturgika ta San Gwann Pawlu 2 Papa

Fis-6.00 p.m. Adorazzjoni u fis-6.30 p.m. il-Quddiesa

Ħadd, 25 Festa tal-Konsagrazzjoni tal-Knisja.

Avviz

Infakkru li matul ix-xahar ta' Ottubru, r-Ruzarju jingħad quddiem Ġesu Ewkaristija Espost fil-Kolleggjata; kuljum fis-6.00 p.m. is-Sibt fl-4.30 p.m. u fis-6.00 p.m.

U l-Hadd fl-4.30 pm

Inħeġġu ħalli lkoll insibu ħin biex ninġabru u nitolbu bit-talba tant għaziza għall-Madonna.

FLIMKIEN SETTEMBRU 2020
ikklikkja fuq l-istampa biex tara l-Magazine

KELMA TAL-ARCIPRIET
SETTEMBRU 2020

FLIMKIEN AWWISSU 2020
ikklikkja fuq l-istampa biex tara l-Magazine

AWWISSU 2020

Il-Kelma tal-Arċipriet

Se nkompli bil-katekezi tieghi lilkom dwar il-jum tal-Hadd b’riflessjonijiet mehuda minn Dies Domini ta San Gwanni Pawlu 11.

Il-Hadd – dan hu l-jum li ghamel il-Mulej – ha nifirhu u nithennew fih. Hu jum ta talb, u radd il hajr, imhabba grazzja u ferh. Niehdu sehem shih fih. Hu jum li ma nistghux nghaddu minghajru. Jibda minn lejliet – il-quddiesa tas-sibt hi l-quddiesa festiva tal-Hadd.

Hu jum li jfakkarna li Alla johloq u jsalva. Alla bierek is-seba jum u qaddsu. Fih neskopru l-istorja tal-imhabba ta Alla. Il-Hadd hu jum ta djalogu bejn Alla u l-bniedem. Hu fil-qalba tal-qima lil Alla.

Kull nhar ta Hadd niccelebraw l-Ghid. Nghixu, ingawdu u habbru l-misteru tal-Ghid. Nhar ta Hadd b’mod specjali Gesu hu f’nofs il-poplu tieghu. Hu hin li naghtu lill-Mulej. Jghidilna ejjew u ahna nghidulu ejja Mulej Gesu. Il-qdusija ta Gesu tidher fic-celebrazzjonijet ta Marija u l-qaddisin.

Hu jum l-insara; hu ta siwi u vitali ghall-bini tal-komunita. Hu jum li jaghni lill-komunita. Il-hadd niltaqghu ma Kristu u l-Knisja. Fih naqsmu hobza wahda Hu jum ta gid ghas-socjeta.

L-Ewkaristija hija ic-centru, il-quccata u l-ghajn tal hajja nisranija. Qieghda fil-qalbha tal-hadd. Timpenjana biex naghtu qima, inhabbru l-kelma ta Alla u naqdu lil-hutna.

Jekk m’’ghandekx raguni valida, kif tista ma tissehibx ma hutek fil-komunita ghall-quddiesa tal-hadd ? Kif tista tibqa tirraguna u tghid li ahjar toqghod issegwiha min fuq it televizzjoni ?

Fr David Gauci

Programm għax-xahar ta Awwissu

Ħadd, 2 It-18 il-Ħadd matul is-sena

Messalin A pġ

Hamis, 6 Festa tat-Trasfigurazzjoni tal-Mulej.

Gimgha, 7 Fis-6.00 p.m. Adorazzjoni u fis-6.30 p.m. il-Quddiesa

Sibt, 8 Ikomplu s-Sibtijiet tal-Bambina.

Fis-6.00 p.m. Ruzarju, Kurunella, Salve u Antifona.

Fis-6.30 p.m. Quddiesa kantata bl-omelija.

Ħadd, 9 Id-Dsatax il-Ħadd matul is-sena.

Messalin A. Paġna

Fl-4.00 pm Quddiesa biċ-ċelebrazzjoni tas-Sagrament tal-

Magħmudija.

Hamis, 13 Fis-6.00 p.m. Adorazzjoni u fis-6.30 p.m. il-Quddiesa

Sibt 15 Solennita tat-Tlugħ fis-sema tal-Verġni Marija.

Hija festa kmandata u l-ħin tal-Quddies ikun bħal nhar ta Ħadd.

Ħadd, 16 L- Għoxrin Ħadd matul is-sena.

Messalin A paġna

Ħamis, 20 Fis-6.00 p.m. Ruzarju; Fis-6.30 p.m. Quddiesa

Gimgha, 21 Fis-7.15 pm fil-Kolleggjata laqgha ghall-genituri u l-parrini tal-

Adoloxxenti tal-Grizma tal-isqof.

Ħadd, 23 Il-Wieħed u Għoxrin Ħadd ta matul is-sena

Mess A paġna

Hamis, 27 Fis-6.30 pm fil-Kolleggjata tibda l-Investitura tal-Kanonci l-godda tal-

Kapitlu Marija Bambina Naxxxar.

Gimgha, 28 Fis-6.30 pm tibda l-ewwel koncelebrazzjoni kapitulari u kxif ta lapida

Kommemorattiva.

- - - - - -

LULJU 2020

Il-Kelma tal-Arċipriet

Ma nistax ma nibdiex dan il-messaġġ tiegħi jekk mhux biex f’isem il-parroċċa tagħna nifirħu u nkomplu nitolbu għas-saċerdot novell Dun Christopher Bugeja li għadu kemm ġie ordnat nhar id-29 ta’ Ġunju li għadda, Solennità tal-Martirju tal-Appostli San Pietru u San Pawl.

Dawn il-presbiteri se jmexxu l-pastorali ġdida tal-Knisja f’Malta wara l-COVID-19, fuq l-eżortazzjoni appostolika Evangelii Gaudium, li titkellem dwar dawn il-kwalitajiet li l-Knisja teħtieġ li jkollha:

- Knisja li tisma’

Iktar minn qabel, il-Knisja teħtieġ li tisma’ l-Kelma t’Alla u l-weġgħat tan-nies. Trid tkun Knisja li tisma’ wkoll x’qed jitlob minna l-ħolqien illum.

- Knisja li tilqa’

Minkejja li qegħdin fiż-żmien li matulu rridu nżommu d-distanza soċjali u li ma nistgħux nieħdu b’idejn xulxin, aħna rridu nippreżentaw Knisja inklussiva, Knisja li tibni pontijiet u mhux ħitan.

- Knisja li takkumpanja

Din il-kwalità timbuttana biex ma nibżgħux nużaw is-social media, li nagħmlu minn djarna skejjel ta’ talb, li nappoġġjaw lill-ġenituri biex ikunu edukaturi ta’ wliedhom u sabiex isibu modi ġodda ta’ kif jgħaddu l-fidi tagħhom lil uliedhom.

- Knisja li toħroġ

Dan ifisser li nkunu ta’ servizz billi nfittxu lil dawk li jkunu fil-periferija tas-soċjetà, l-imwarrbin, dawk bi problemi ta’ saħħa mentali, vittmi tal-vjolenza domestika, ir-refuġjati, dawk li tilfu x-xogħol, fost ħafna nies oħra li għaddejjin minn diffikultajiet u tbatija, u li xi drabi ma jidhrux jew jinsabu moħbija.

Issa huwa ż-żmien tal-konverżjoni, tal-integrità, tal-koerenza fit-twemmin tagħna.

Nawguraw ħidma sfiqa fil-għalqa tal-Mulej lis-saċerdoti l-ġodda. Ad multos annos!

Fr David Gauci

Programm ghax-xahar ta Lulju

Erbgha, 1 Tifkira tal-Beatu Malti Nazju Falzon

Ġimgħa, 3 Fis-6.00 p.m. ħin ta adorazzjoni u fis-6.30 p.m. il-quddiesa

Ħadd, 5 L-14 il-Ħadd matul is-sena.

Messalin A Paġna

Hamis, 9 Fis-6.00 p.m. Adorazzjoni u fis-6.30 p.m. il-Quddiesa

Ġimgħa, 10 Fit-8.00 p.m. tindaqq mota solenni biex tħabbar il-bidu tas-sibtijiet

bi thejjija għal-festa tal-Bambina.

Sibt, 11 L-Ewwel Sibt tal-Bambina.

Fis-6.00 p.m. Ruzarju, Kurunella, Salve u Antifona.

Fis-6.30 p.m. Quddiesa bl-omelija.

Ħadd, 12 Il-15 - il Ħadd matul is-sena

Messalin A paġna

Fl-4.00 p.m. Quddiesa biċ-ċelebrazzjoni tas-Sagrament tal-

Magħmudija.

Ħamis, 16 Fis-6.00 p.m. Adorazzjoni u fis-6.30 p.m. il-Quddiesa

Sibt, 18 Fl-10.30 am it-tfal bniet li jattendu l-museum jircievu l-ewwel

tqarbina

Ħadd, 19 Is 16 - il Ħadd matul is-sena

Messalin A paġna

Ħamis, 23 Fis-6.00 p.m. Adorazzjoni u fis-6.30 p.m. il-Quddiesa

Sibt, 25 Fl-10.30 a.m it-tfal subien li jattendu l-museum jircievu l-ewwel

tqarbina

Ħadd, 26 Is- 17 il Ħadd matul is-sena.

Messalin A paġna

FLIMKIEN LULJU 2020

ikklikkja fuq l-istampa biex tara

l-Magazine

FLIMKIEN - GUNJU 2020
aghfas hawn iew fuq l-istampa

aghfas hawn taht
https://church.mt/flimkien-may-2020-2/

KELMA TAL-ARCIPRIET
GUNJU 2020

Il-Kelma tal-Arċipriet

Meta se jiftħu l-knejjes Arċipriet? Meta se nkunu nistgħu nerġgħu nibdew niġu l-knisja? Meta se nkunu nistgħu nibdew nisimgħu l-quddiesa u nitqarbnu kif konna nagħmlu?

Dawn huma ftit mill-mistoqsijiet li diversi minnkom qegħdin jistaqsu. U bir-raġun! Issa ilna iktar min xahrejn bil-knejjes magħluqa u n-nies bdiet tiddejjaq. Irrid ngħid li jien (għalkemm waħdi minħabba ċ-ċirkostanzi li żviluppaw) mill-ewwel ġurnata bqajt nagħti s-servizz tiegħi lill-poplu ta’ Alla. Kif tafu, kuljum ikollna s-servizz tal-quddiesa mill-Kolleġġjata fil-5.00 p.m. u nhar ta’ Ħadd fil-11.00 a.m.

Min kellu bżonn is-sagrament tar-rikonċiljazzjoni, ingħata wkoll dan is-servizz; il-knisja baqgħet tiftaħ kuljum għat-talb privat; min kien jeħtieġ servizz mill-uffiċċju parrokkjali dejjem sab l-għajnuna; komplejna ngħinu familji u individwi fil-bżonn.

Issa, kif mistenni, dawk li kellhom tarbija qed jitolbu l-magħmudija għat-tarbija tagħhom peress li ż-żmien qed jgħaddi. Minkejja l-limitazzjonijiet, kulħadd sab u ingħata s-servizz li xtaq.

Dwar il-quddies il-pożizzjoni hija din: bħalissa hemm il-permess li l-funerali jerġgħu jibdew isiru bil-quddiesa – jew fil-knisja (għal min għandu knisja bil-kobor meħtieġ bħalma hi tagħna) jew fil-beraħ. Fi żmien qarib, l-isqfijiet tagħna ser jerġgħu jkollhom laqgħa mal-awtoritajiet tas-saħħa biex jevalwaw is-sitwazzjoni tal-mument u jiddeċiedu dwar il-pass li jkun imiss. Nistennew u naraw.

Importanti li nibqgħu insostnu lil xulxin fit-talb u wkoll bl-għajnuna finanzjarja lill-parroċċa sabiex tkun tista’ tlaħħaq ma’ dawk kollha li jirrikorru għall-għajnuna. Niftakru li l-Mulej ipattielna bil-mija fil-wieħed.

FLIMKIEN - MEJJU 2020